ஜூனில் வெளியாகும் ‘தங்கலான்’!

சியான் விக்ரம் நடிப்பில் ஸ்டுடியோ கிரீன் தயாரிப்பில் பா.ரஞ்சித் இயக்கிய பிரம்மாண்டமான படமான ‘தங்கலான்’ இந்த ஆண்டு பிரமாண்டமாக வெளிவரத் தயாராகி வருகிறது.

ஸ்டுடியோ கிரீனின் தலைமை நிர்வாக அதிகாரி தனஞ்செயன், சமீபத்திய பேட்டியில் ‘தங்கலான்’ படத்தின் வெளியீட்டு அறிவிப்புகளைப் பகிர்ந்துள்ளார்.

இதைப் பற்றி பேசிய தனஞ்செயன், ‘தங்கலான் ஜூன் 2024 இல் வெளியிடத் திட்டமிட்டுள்ளது. அதிகாரப்பூர்வ அறிவிப்பு இன்னும் சில நாட்களில் வெளியிடப்படும். முழு அளவிலான விளம்பரங்கள் இம்மாத இறுதியில் தொடங்கத் திட்டமிடப்பட்டுள்ளது.

விக்ரம் படத்தை விளம்பரப்படுத்த பல நகரங்களுக்கும் மற்றும் வெளிநாடுகளுக்கு செல்ல உள்ளதாக அவர் தெரிவித்தார்.

‘தங்கலான்’ படத்தில் சியான் விக்ரம், மாளவிகா மோகனன், பார்வதி திருவோத்து, டேனியல் கால்டகிரோன், பசுபதி, ஹரிகிருஷ்ணன் மற்றும் பலர் நடித்துள்ளனர்.

சுதந்திரத்திற்கு முந்தைய காலத்தில் அமைக்கப்பட்ட கர்நாடகாவில் உள்ள கோலார் தங்க வயல்களின் பூர்வீக மக்களின் வாழ்க்கையைச் சுற்றி படம் சுழல்கிறது.

– தேஜேஷ்