‘ராயன்’ ரிலீஸ் தேதியை அறிவித்த படக்குழு!

தமிழின் மிக முக்கியமான நடிகர்களில் ஒருவரான தனுஷ், இந்த ஆண்டு தனது 50வது படமான ‘ராயன்’ மூலம் ரசிகர்களை மகிழ்விக்க உள்ளார்.

சன் பிக்சர்ஸ் தயாரிப்பில் தனுஷ் இயக்கியுள்ள இந்தப் படம் கேங்ஸ்டர்களை பழிவாங்கும் படமாக இருக்கும் என எதிர்பார்க்கப்படுகிறது.

வசீகரிக்கும் போஸ்டருடன் படத்தைப் பற்றிய புதிய அப்டேட்களை குழுவினர் வெளியிட்டுள்ளனர்.

பின்னணியில் ராவணன் சிலையுடன் எரியும் நெருப்பை தனுஷ் பார்ப்பது போல போஸ்டரில் உள்ளது. இந்தப் போஸ்டரில் ஜூன் 13ம் தேதி வெளியீட்டை தயாரிப்பாளர்கள் உறுதிப்படுத்தியுள்ளனர். மேலும், படத்தின் முதல் சிங்கிள் வரும் 9 ஆம் தேதி வெளியிடப்பட உள்ளது.

இந்தப் படத்திற்கு இசைப்புயல் ஏஆர் ரஹ்மான் இசையமைத்துள்ளார். முதல் சிங்கிள், மாஸ் லோக்கல் குத்துப் பாடலாக இருக்கும் என சினிமா வட்டாரங்கள் தெரிவிக்கின்றன. பிரபுதேவா நடனம் அமைத்துள்ள இந்தப் பாடலில் 500க்கும் மேற்பட்ட நடனக் கலைஞர்கள் இடம்பெற்றுள்ளனர்.

‘ராயன்’ படத்தில் சந்தீப் கிஷன், காளிதாஸ் ஜெயராம், எஸ்.ஜே.சூர்யா, பிரகாஷ் ராஜ் மற்றும் பலர் நடித்துள்ளனர்.

– தேஜேஷ்