சௌகார் ஜானகி: காலத்தை வென்ற கலை அரசி!

தமிழ்த் திரையுலகில் எத்தனையோ நடிகைகள் வந்து சென்றிருக்கலாம். ஆனால், 70 ஆண்டுகளுக்கும் மேலாக நடிப்பில் சுறுசுறுப்புடன் இயங்கி, ‘வயது என்பது வெறும் எண்களே’ என்பதை நிரூபித்துக் கொண்டிருக்கும் ஆளுமை சௌகார் ஜானகி.

இன்று அவருக்குப் பிறந்தநாள்!

• சோகத்தின் ராணி: ‘பாலும் பழமும்’, ‘உயர்ந்த மனிதன்’ போன்ற படங்களில் மிக அமைதியான, குடும்பப்பாங்கான வேடங்களில் நடித்து தாய்மார்களின் மனதை வென்றவர்.

• மாடர்ன் மங்கை: ‘புதிய பறவை’ படத்தில் நடிகர் திலகம் சிவாஜி கணேசனுக்கு இணையாக ஸ்டைலிஷாகவும், வில்லத்தனம் கலந்தும் மிரட்டியிருப்பார். அந்தப் படத்தில் அவரது உடை அலங்காரமும், நடை உடை பாவனைகளும் இன்றும் பேசப்படுகின்றன.

• நகைச்சுவை அதிரடி: “சோகப் படங்களுக்கு மட்டுமே ஜானகி செட் ஆவார்” என்று நினைத்தவர்களுக்கு ‘தில்லு முல்லு’ படத்தில் ரஜினி பாத்திரத்திற்கு இணையாக (அம்மா வேடத்தில்) நடித்து அதிர்ச்சி கொடுத்தார். அப்படத்தில் அவர் போடும் கூச்சலும், நகைச்சுவையும் கிளாசிக் ரகம்.

• இரு கோடுகள்: இதில் கலெக்டர் ஜானகியாக அவர் வெளிப்படுத்திய கம்பீரம், ஒரு பெண்ணின் ஆளுமைக்குச் சிறந்த எடுத்துக்காட்டு.

• பாமா விஜயம்: ஒரு நடுத்தர வர்க்கத்துக் குடும்பத் தலைவியாக, சினிமா மோகத்தில் சிக்கித் தவிக்கும் வேடத்தில் இயல்பான நடிப்பை வெளிப்படுத்தியிருப்பார்.

   

• புதுப்புது அர்த்தங்கள்: வயதான தம்பதியராக சௌகார் ஜானகியும், பூர்ணம் விஸ்வாதனும் நடித்திருப்பார்கள். வாழ்வை அன்புதான் வழிநடத்துகிறது என்பதை தங்களது நடிப்பில் அழகாக வெளிப்படுத்தியிருப்பார்கள் இருவரும்.

• வானவராயன் வல்லவராயன்: இன்றைய தலைமுறை நடிகர்களுடனும் இணைந்து நடித்து, தனது எனர்ஜி லெவல் குறையவே இல்லை என்று நிரூபித்தார்.