இசைக்குடும்பத்திற்காக இணைந்த ஜாம்பவான்கள்!

இசைஞானி இளையராஜா அவர்களின் இசை வளர்ச்சிக்கு ஆரம்பகாலத்தில் மிகப்பெரிய தூணாகவும், பக்கபலமாகவும் இருந்தவர் அவருடைய மூத்த அண்ணனும், திரையுலகின் முன்னணி தயாரிப்பாளருமான ஆர்.டி.பாஸ்கர்.

அவரைத் தொடர்ந்து, தற்போது அவருடைய இளைய மகனான ஜெயன் தமிழ்த் திரையுலகில் கதாநாயகனாக அறிமுகமாகிறார்.

காதல் பின்னணியைக் கொண்ட ஒரு அழுத்தமான மியூசிக்கல் சப்ஜெக்ட் (Love Musical Subject) திரைப்படமாக இது உருவாகிறது.

குடும்ப நட்பிற்காக கதையைக் கூட கேட்காமல் திரண்ட முன்னணி பிரபலங்கள்!

தயாரிப்பாளர் ஆர்.டி.பாஸ்கர் அவர்களின் மகன் ஜெயன் திரையுலகில் அறிமுகமாகிறார் என்றதும், திரையுலகில் ஜெயன் குடும்பத்தோடு உள்ள நட்புக்காக கதையைக்கூட கேட்காமல் “என் நண்பனுக்காக நானே இந்தத் திரைப்படத்தைத் தயாரிக்கிறேன்” என்று ரமணன் பாலகங்காதரன் முன்வந்தார்.

தன்‌ தம்பிக்காக இயக்குநர் வெங்கட் பிரபு, “நான் கதை தருகிறேன்” என்றும், யுவன் சங்கர் ராஜா “நான் இசை அமைக்கிறேன்” என்றும், இயக்குநர் சுதா கொங்கரா “நான் கிரியேட்டிவ் புரொடியூசராக (Creative Producer) இருக்கிறேன்” என்றும் தாங்களாகவே முன்வந்து இந்தத் திட்டத்தில் இணைந்துள்ளனர்.

முன்னணி திரைப் பிரபலங்கள் அனைவரும் எவ்வித எதிர்பார்ப்பும் இன்றி, தயாரிப்பாளர் ஆர்.டி. பாஸ்கர் குடும்பத்தின் மீதான நீண்டகால நட்பிற்காக மட்டுமே இந்தத் திரைப்படத்தில் ஒன்றிணைந்துள்ளனர் என்பது குறிப்பிடத்தக்கது.

நட்சத்திரப் பட்டாளமும், பிரம்மாண்ட கூட்டணியும்!

இத்திரைப்படத்தில் நாயகனாக அறிமுகமாகும் ஜெயனுடன் இணைந்து சோனா ஒலிக்கல், வாகை சந்திரசேகர், குரு சோமசுந்தரம், ரோஜு, பிபியன், ஆர்யா லட்சுமி உள்ளிட்ட பல முன்னணி நட்சத்திரங்கள் நடித்துள்ளனர்.

படத்தை ‘குடும்பஸ்தன்’ படத்தின் ஒளிப்பதிவாளர் சுஜித் என் சுப்ரமணியம் இயக்குநராக அறிமுகமாகிறார்.

இசை, நட்பு, திறமை என அனைத்தும் ஒன்றாக இணைந்து உருவாகும் இந்தத் திரைப்படம் ஜெயனின் திரையுலகப் பயணத்திற்கு ஒரு மிகச்சிறந்த தொடக்கமாக அமையும் என்பதில் சந்தேகமில்லை.