‘மூக்குத்தி அம்மன்’ இரண்டாம் பாகத்தில் த்ரிஷா!

பிரபல ரேடியோ ஜாக்கியும் நடிகருமான ஆர்.ஜே.பாலாஜி 2020 ஆம் ஆண்டு வெளியான ‘மூக்குத்தி அம்மன்’ படத்தின் மூலம் இயக்குநராக அறிமுகமானார். இந்தக் கதை நகைச்சுவையுடன் ஒரு செய்தி நிருபரைச் சுற்றி வருகிறது.

அவர் ஒரு தெய்வத்தின் உதவியுடன் ஒரு போலி தெய்வத்தை அம்பலப்படுத்துகிறார். இந்தப் படத்தில் நயன்தாரா அம்மன் வேடத்தில் நடித்தார். ஆர்ஜே பாலாஜி செய்தி நிருபராக நடித்தார்.

தற்போது ஆர்.ஜே.பாலாஜி ‘மூக்குத்தி அம்மன்’ படத்தின் இரண்டாம் பாகத்தை எடுக்க திட்டமிட்டுள்ளதாகவும், அம்மன் கேரக்டரில் த்ரிஷா நடிக்க இருப்பதாகவும் தகவல்கள் வெளியாகியுள்ளது.

இந்தத் திரைப்படம் நேரடியான “பாகம் 2” ஆக இருக்காது. மாறாக அதே போன்ற தெய்வீகக் கற்பனை கலந்த நகைச்சுவைக் கருத்தைக் கொண்ட ஒரு படமாக இருக்கும் என கூறப்படுகிறது.

ஆர்.ஜே.பாலாஜி வேறு ஒரு தயாரிப்புக் குழுவுடன் இணைந்து இந்தப் படத்தில் பணிபுரிந்து வருவதால் படத்திற்கு புதிய தலைப்பு வைக்கப்படவுள்ளதாகத் தெரிகிறது.

தற்போது இந்தச் செய்தி சமூக வலைதளங்களில் வைரலாகி வருகிறது. 2020 இல் நேரடி OTT-யில் வெளியான ‘மூக்குத்தி அம்மன்’ மிகப்பெரிய பிளாக்பஸ்டர் ஆனது.

‘மூக்குத்தி அம்மன்’ முதல் பாகத்தில் நயன்தாரா, ஆர்.ஜே.பாலாஜி, ஊர்வசி, ஸ்ம்ருதி வெங்கட், மது மைலாங்கொடி, அபிநயா, மௌலி, அஜய் கோஷ் மற்றும் பலர் முக்கிய வேடங்களில் நடித்துள்ளனர். RJ பாலாஜியுடன் இணைந்து NJ சரவணன் படத்தை இயக்கியுள்ளார்.

– தேஜேஷ்