தனுஷுடன் நடிக்கும் கீர்த்தி சனோன்!

சமீபத்தில் தனுஷ் இயக்கி நடித்த ‘ராயன்’ திரைப்படம் கடந்த மாதம் 26-தேதி வெளியானது. இந்தப் படம் விமர்சனங்களும் மற்றும் வசூல் ரீதியாகவும் நல்ல வரவேற்பைப் பெற்றது. இதையடுத்து பான் இந்தியா படமான ‘குபேரா’வில் நடித்து வருகிறார்.

சேகர் கம்முலா இயக்கும் இந்தப் படத்தில் தனுஷூக்கு ஜோடியாக ராஷ்மிகா மந்தனா நடிக்கிறார்.

இதற்கிடையில் நிலவுக்கு என் மேல் என்னடி கோபம்’ படத்தை இயக்கும் தனுஷ், அடுத்து ஆனந்த் எல்.ராய் இயக்கும் ‘தேரே இஸ்க் மே’ (Tere Ishk Mein) என்ற இந்திப் படத்தில் நடிக்க இருக்கிறார். இதற்கான அறிவிப்பு சில மாதங்களுக்கு முன் வெளியானது.

இந்தப் படத்துக்கு ஏ.ஆர்.ரஹ்மான் இசை அமைக்கிறார். இதில் தனுஷ் ஜோடியாக, ஏற்கனவே பாலிவுட் நடிகை கியாரா அத்வானியை நடிக்க வைப்பதாக கூறப்பட்ட நிலையில் தற்போது நடிகை கீர்த்தி சனோன் நடிக்க இருப்பதாகக் கூறப்படுகிறது.

இதன் கதையைக் கேட்ட கீர்த்தி சனோன் நடிப்பதற்கு வாய்மொழியாக ஒப்புக்கொண்டதாகவும் ஒப்பந்தம் முடிந்த பின் அதிகாரப்பூர்வ அறிவிப்பு வெளியாகும் என்றும் கூறப்படுகிறது.

நடிகர் தனுஷ், ஆனந்த் எல். ராய் இயக்கிய, ‘ராஞ்சனா’ மூலம் இந்தியில் அறிமுகமானார். அவர் இயக்கத்தில் ‘அட்ரங்கி ரே’ படத்திலும் நடித்திருந்தார். இது அவர் இயக்கத்தில் தனுஷ் நடிக்கும் 3 வது படம் ஆகும்.