இசையமைப்பாளராக் கொண்டாடப்படும் சக்திஸ்ரீ கோபாலன்!

பிரபல பின்னணிப் பாடகி சக்திஸ்ரீ கோபாலன், ஒய்நாட் ஸ்டுடியோஸ் சார்பில் தயாரிப்பாளர் சஷிகாந்த் தயாரித்து இயக்கிய, மிகவும் எதிர்பார்க்கப்பட்ட தமிழ் திரைப்படமான ‘டெஸ்ட்’ வாயிலாக இசையமைப்பாளராக அறிமுகமானதன் மூலம் தனது கலைப் பயணத்தில், எழுச்சியுடன் அடியெடுத்து வைத்தார்.

ஆர். மாதவன், சித்தார்த், நயன்தாரா மற்றும் மீரா ஜாஸ்மின் ஆகியோர் நடித்துள்ள இந்தப் படம் பரவலான பாராட்டைப் பெற்றுள்ளதுடன், அதன் எழுச்சியூட்டும் மற்றும் கதைக்களத்தை விவரிக்கும் விதத்திலான இசைக்கும் பாராட்டைப் பெற்றுள்ளது.

தனது தனித்துவமான குரலுக்காகவும், தமிழ், தெலுங்கு, மலையாளம், கன்னடம் மற்றும் இந்தி மொழிகளில் இந்தியத் திரைப்படங்களின் இசைக்கோர்வைகளில் இடம்பெற்றுள்ள தரவரிசையில் முன்னணி வகிக்கும் பாடல்களுக்காகவும் கொண்டாடப்படும் சக்திஸ்ரீ,

ஒரு இசையமைப்பாளராக தனது பணிக்கு தனிப்பட்ட பாணியிலான கலைத்திறனையும் உணர்ச்சிபூர்வமான ஆழத்தையும் கொண்டு வந்திருக்கிறார்.

‘டெஸ்ட்’ திரைப்படத்தின் இசைக்கோர்வை ஒலிகளின் துடிப்பான கலவையாகும், இதில் புகழ்பெற்ற ‘ராப்பர்’ யோகி பி மற்றும் சக்திஸ்ரீ உள்ளிட்ட பல்வேறு திறமையாளர்களைக் கொண்டுள்ளது, இது உண்மையிலேயே உலகளாவிய ஒலி சார்ந்த தளத்தை உருவாக்குகிறது.

தனது அனுபவத்தைப் பிரதிபலிக்கும் வகையில், சக்திஸ்ரீ பகிர்ந்து கொண்டவை:

” ‘டெஸ்ட்’ திரைப்படத்தில் பணியாற்றுவது ஆக்கபூர்வமான வளர்ச்சி, கூட்டுமுயற்சி மற்றும் அர்த்தமுள்ள தொடர்புகளின் பயணம் இது.

R. மாதவன், சித்தார்த், நயன்தாரா மற்றும் மீரா ஜாஸ்மின் போன்ற அற்புதமான கலைஞர்களுடன், படத்தொகுப்பாளர் சுரேஷ், ஒளிப்பதிவாளர் விராஜ் சிங்,

ஒலி வடிவமைப்பாளர் குணால் மற்றும் சவுண்ட் இன்ஜினியர் ராமகிருஷ்ணன் சார் ஆகியோர் அடங்கிய நம்பமுடியாத தொழில்நுட்பக் குழுவுடன் இந்தப் படத்தின் ஒரு அங்கமாக இருப்பது மிகப்பெரிய மரியாதை.

கதாபாத்திரங்கள் மற்றும் அவர்களின் கதைகளுடன் ஒரு வலுவான தொடர்பை நான் உணர்ந்தேன், மேலும் ஆழமான கதாபாத்திரங்களுடன் உணர்ச்சிபூர்வமாக ஒன்றிணைவதும்,

அவர்களின் பயணங்களைச் சுற்றியுள்ள இசையை வடிவமைக்க சஷிகாந்துடன் கூட்டு முயற்சி மேற்கொள்வதும் ஒரு பலனளிக்கும் படைப்புச் செயல்முறையாகும்” என்கிறார்.