மாரி செல்வராஜ் இயக்கத்தில் வெளியான ‘கர்ணன்’ திரைப்படம் தமிழ் சினிமாவில் ஒரு முக்கியமான தடம் பதித்த படைப்பு.
அந்தப் படத்தில் நடித்தபோது தனக்கு ஏற்பட்ட ஒரு சுவாரஸ்யமான மற்றும் நெகிழ்ச்சியான அனுபவத்தை நடிகர் தனுஷ் சமீபத்தில் பகிர்ந்துள்ளார்.
“இந்த பையனைப் பார்த்து நான் நிறைய கத்துக்கிட்டேன்” என்று தனுஷ் அந்தச் சிறுவனைப் பற்றி உருகிப் பேசியுள்ளார்.
கர்ணன் படத்தின் கிளைமாக்ஸ் காட்சியில், குதிரையிலிருந்து கீழே விழுந்து ஒரு சிறுவன் தனுஷுடன் பேசும் காட்சி இடம்பெற்றிருக்கும்.
படப்பிடிப்பு முடிந்து அந்த காட்சியை (Rush) மீண்டும் திரையில் பார்த்தபோது தனுஷ் மிரண்டு போயிருக்கிறார்.
“அந்தப் பையனோட நடிப்பைப் பார்க்கும்போது, நம்முடைய நடிப்பு அந்தப் பையனோட நடிப்புக்கு முன்னாடி ஒண்ணுமே இல்லைன்னு தோணுச்சு.
அந்த கிராமத்துக்கே உரிய எதார்த்தமான முகபாவனைகள், உண்மை கலந்த உணர்ச்சிகள் என அவன் ஒரு நடிகனாகத் தெரியாமல், அந்த மண்ணின் மைந்தனாகவே வாழ்ந்திருந்தான்.” – என்று கூறினார் தனுஷ்.
கற்றுக்கொள்ளும் குணம்:
தனது பல வருட அனுபவத்தை ஒருபுறம் வைத்துவிட்டு, அந்தச் சிறுவனிடமிருந்து அந்த எதார்த்தத்தை தானும் கற்றுக்கொள்ள வேண்டும் என்று தனுஷ் முடிவு செய்துள்ளார்.
“புதிய முகங்கள் வரும்போது அவர்களிடமிருந்து நாம் கற்றுக்கொள்ள வேண்டிய விஷயங்கள் ஏராளம் உள்ளன” என்று அவர் பெருந்தன்மையுடன் குறிப்பிட்டுள்ளார்.
எவ்வளவு பெரிய உயரத்திற்குச் சென்றாலும், ஒரு சிறுவனிடம் இருக்கும் கலையைக் கண்டு வியப்பதும், அதை அங்கீகரிப்பதும் தான் ஒரு உண்மையான கலைஞனுக்கு அழகு.
தனுஷின் இந்தப் பண்புதான் அவரை இன்னும் ஒரு சிறந்த மனிதராகவும், நடிகராகவும் உயர்த்துகிறது.
நன்றி: பிம்பம் டி.வி