எம்.ஜி.ஆரைப் பின்பற்றும் கார்த்தி!

கார்த்தி கடந்த வருடம் முதல் நலன் குமாரசாமி இயக்கத்தில் ‘கார்த்தி 26’ படத்தின் படப்பிடிப்பில் ஈடுபட்டு வருவது நாம் அனைவரும் அறிந்ததே.

இறுதியாக சமூக ஊடகங்களில் பூஜை வீடியோவை வெளியிட்டு இந்தத் திட்டத்தை படக்குழு அதிகாரப்பூர்வமாக அறிவித்துள்ளது. கே.ஈ.ஞானவேல் ராஜாவின் ஸ்டுடியோ கிரீன் நிறுவனத்தின் 27வது தயாரிப்பு இது.

இந்த நிகழ்வில் சூர்யா, சிவக்குமார், கௌதம் கார்த்திக் மற்றும் கார்த்தி குழுவினர் கலந்து கொண்டனர்.

‘கார்த்தி 26’ பழம்பெரும் நடிகரும் அரசியல்வாதியுமான எம்.ஜி.ஆரின் மிகப்பெரிய ரசிகரைப் பற்றிய நகைச்சுவையான கதை என்று கூறப்படுகிறது.

பூஜையின் போது தயாரிப்பாளர்கள் எம்.ஜி.ஆரின் படத்திற்கு முன்னால் கிளாப்போர்டு வைத்திருந்தனர். 2 நிமிட வீடியோ தற்போது இணையத்தில் பரவி வருகிறது.

சிவகுமார் பூஜை செய்ய, சூர்யா படத்திற்கு முதல் கிளாப் அடித்தார். வீடியோவின் இறுதியில் தலைப்பு மற்றும் பர்ஸ்ட் லுக் விரைவில் வரும் என படக்குழு அறிவித்துள்ளது.

‘கார்த்தி 26’ படத்திற்கு ‘வா வாத்தியாரே’ என்று தலைப்பு வைக்கப்பட்டுள்ளதாக செய்திகள் வெளியாகியுள்ளன.

பர்ஸ்ட் லுக் போஸ்டருடன் நடிகர்கள் மற்றும் குழுவினர் விவரம் வெளியிடப்படும். இயக்குனர் பிரேம்குமாரின் ‘கார்த்தி 27’ படத்திலும் கார்த்தி நடித்து வருகிறார்.

– தேஜேஷ்