லால் சலாமில் சில காட்சிகளை நீக்கிய தணிக்கைக்குழு!

லால் சலாம் திரைப்படத்தில் 2.32 நிமிட காட்சிகள் நீக்கப்பட்டதாக தணிக்கைக் குழு அறிவித்துள்ளது.

கிரிக்கெட்டை மையமாக வைத்து எடுக்கப்பட்டுள்ள இந்தப் படத்தில் விஷ்ணு விஷால், விக்ராந்த், சிறப்பு தோற்றத்தில் கபில்தேவ் உள்ளிட்டோர் நடித்துள்ளனர். இந்தப் படத்திற்கு ஏ.ஆர்.ரகுமான் இசையமைத்திருக்கிறார்.

நடிகர் ரஜினிகாந்த் மொய்தீன் பாய் என்ற சிறப்பு கதாபாத்திரத்தில் நடித்துள்ளார். திரைப்படம் நாளை திரைக்கு வரவுள்ள நிலையில், படத்தை பார்த்த தணிக்கை குழு ‘யூஏ’ சான்றிதழ் அளித்துள்ளது.

படத்தில் வரும் சில மத ரீதியான வசனங்களை கொண்ட 2 நிமிடங்கள் 32 வினாடிகள் கொண்டக் காட்சிகளை தணிக்கை குழு நீக்கம் செய்துள்ளது.

– தேஜேஷ்