பார்த்திபன் ஏன் சிறந்த இயக்குநர்?

தொண்ணூறுகளின் காலகட்டத்தில் சினிமாவில் ஒரு நடிகராக உச்சநிலையைத் தொட்ட நடிகர் பார்த்திபன், அழகைவிட திறமையைக் காட்டியே ரசிகர்களை ஈர்த்தார்.

பார்த்திபன் தமிழ் சினிமாவில் தனக்கென்று ஒரு தனி இடத்தை பிடித்தவர். அவர் சிறந்த இயக்குநராக கருதப்படுவதற்கான காரணங்கள் பலவாக உள்ளன:

1. தன்னிச்சையான சிந்தனை – புதுமையான கதைச் சொல்வது

பார்த்திபன் எப்போதும் புது முயற்சிகளை மேற்கொள்பவர். அவர் எடுத்த பெரும்பாலான திரைப்படங்கள் பாரம்பரிய தமிழ் சினிமா வடிவமைப்புகளை மீறியவை.

“புதிய பாதை”, “ஒத்த செருப்பு Size 7”, “இரவின் நிழல்” போன்ற திரைப்படங்கள் மிகுந்த சாகசத்துடன், வழக்கத்திற்கு மாறான முறையில் எடுக்கப்பட்டவை.

2. தன்னம்பிக்கை & தனித்துவமான பார்வை

படங்களை இயக்குவதில் மட்டுமல்லாது, கதைகள், வசனங்கள், மற்றும் நிகழ்வுகளுக்குள் உள்ள ஆழமான கருத்துக்களை பரிசீலிக்கும் திறமை அவர் இயக்கத்தில் தெளிவாகத் தெரியும்.

அவரது படங்களில் பொதுவாக மனித உணர்வுகள், சமூகக் கருத்துகள், உளவியல் மோதல்கள் ஆகியவை முக்கியப் பங்கு வகிக்கும்.

3. விருதுகள் மூலம் அங்கீகாரம்

தேசிய விருது பெற்ற இயக்குநர். புதிய பாதை மற்றும் ஹவுஸ்ஃபுல் ஆகிய இரண்டும் தேசிய விருதுகளை பெற்றவை. ஒத்த செருப்பு திரைப்படம் அவருக்கு சிறப்பு ஜூரி விருதைப் பெற்றுத்தந்தது.

4. ஒரே கதாபாத்திரத்துடன் ஒரு முழு திரைப்படம்

“ஒத்த செருப்பு Size 7” திரைப்படத்தில், அவரே ஒரே கதாபாத்திரமாக இருந்து இயக்கியும், நடித்தும் சாதனை படைத்தார். இது இந்திய சினிமாவில் மிக அரிய முயற்சி.

5. சினிமாவில் புது முயற்சிகளுக்கான முன்னோடி

‘இரவின் நிழல்’ என்ற திரைப்படம் உலகிலேயே முதல் முறையாக ஒரு நீண்ட நேரத் தொடர்ச்சியான சிங்கிள் ஷாட் (single shot non-linear film) ஆக உருவாக்கப்பட்டது. இது உலக சாதனையாகப் பதிவு செய்யப்பட்டது.

பார்த்திபன் ஒரு சாதாரண இயக்குநர் அல்ல; அவர் ஒரு சிந்தனையாளர், ஒரு கலைஞர். அவர் உருவாக்கிய படங்கள் கேள்வி எழுப்பும், விவாதத்துக்கு உரியவை, மேலும் தமிழ்ச் சினிமாவுக்கே ஒரு புதிய திசையை வழங்கும் வகையில் அமைந்துள்ளன.

திறமையான இயக்குனர்கள்..

பார்த்திபன் வளர்த்துவிட்ட பல இயக்குநர்கள் இருக்கிறார்கள். இன்றும் பயங்கர ஹிட் படங்களைக் கொடுத்து வருகிறார்கள்.

இதைப் பற்றி பார்த்திபனே ஒரு பேட்டியில் கூறியிருப்பது ஆச்சரியப்படுத்தியுள்ளது.

“10 பேர் ஒரு படம் எடுக்கப் போறோம் என்றால், அதில் நிறைய திறமை வாய்ந்த துணை இயக்குனர்களும் இருக்கத்தான் செய்கிறார்கள்.

என்கிட்ட துணை இயக்குனராக வேலை செய்பவர்கள் முதலில் வரும்போது அவர்களும் வேலைய கத்துக் கொண்டுதான் வந்திருப்பார்கள்.

மணி விக்ரமன் என்ற பெயரில் என்னிடம் துணை இயக்குனராக பணி புரிந்தார். ஆனால் எப்போது அவரை பார்க்கும் போது நமக்கே சம்மந்தம் இல்லாத வெற்றியா தெரிகிறது.

அந்த அளவிற்கு அவரோட படங்கள் எல்லாம் சில்வர் ஜூப்லியா இருக்கிறது. அவருடைய வெற்றி மகிழ்ச்சியாக இருந்தது.

கரு பழனியப்பன் :

இவரை சந்திக்கும் போதே இவர்கிட்ட நிறைய அறிவு திறமை இருந்தது. சில நேரங்களில் இவர்கிட்ட கொஞ்சம் கேட்டு தெரிஞ்சுக்கலாம்னு யோசிப்பேன்.

இயக்குநரான என் மேல் மரியாதையும், அன்பும் வைத்து பார்த்திபன் கனவு என்று திரைப்படத்தை இயக்கினார்.

ஹச்.வினோத்:

அதே மாதிரி ஹச் வினோத் என்னிடம் வேலை செய்யும்போது உட்காருங்கள் என்று சொன்னால் கூட உட்கார மாட்டார். ரொம்ப அமைதியான மனுஷன். இந்த அளவுக்கு உயர்ந்த நிற்பது மிகப்பெரிய ஆச்சரியம் தான்.

இவரோட வளர்ச்சியை பார்க்கும்போது, என்கிட்ட தான் துணை இயக்குனரா வேலை செஞ்சாரா சந்தேகமா இருக்கும். அந்த அளவுக்கு அவரது வெற்றியைப் பார்த்தால் எனக்கு பெருமையாக இருக்கிறது.

எழில் :

எங்கிட்ட துணை இயக்குனராக வேலை செய்தவர் எழில். துள்ளாத மனமும் துள்ளும் படத்திலிருந்து ஹிட் கொடுத்தவர் இவர். நல்ல ஒரு திறமை வாய்ந்த இயக்குனர்.

இப்படி என்கிட்ட நிறைய பேர் துணை இயக்குனராக பணிபுரிந்து இன்று பெரிய அளவில் இருக்கிறார்கள்” என்று பார்த்திபன் நெகிழ்ச்சியோடு கூறினார்.

– நன்றி முகநூல் பதிவு