அவ்னி மூவிஸ் மற்றும் பென்ஸ் மீடியா ஆகியவை தங்களது அடுத்த படத் தயாரிப்பில் இணைத்துள்ளனர். கற்பனைக் காதல், நகைச்சுவை கலந்த படத்திற்கான முக்கியப் படப்பிடிப்பைப் பாரம்பரிய பூஜை விழாவுடன் தொடங்குவதாக அறிவித்துள்ளன படக்குழு.
படத்தின் தலைப்பு ஆச்சரியப்படும் வகையில் விரைவில் அறிவிக்கப்படும் எனவும் தெரிவிக்கப்பட்டுள்ளது.
இந்தப் படத்தில் அஸ்வின் கந்தசாமி இயக்குநராக அறிமுகமாகுகிறார். இதில் சந்தோஷ், ரேஷ்மா வெங்கடேஷ், வினோத் கிஷன், சம்யுக்தா விஸ்வநாதன் மற்றும் பிஜோர்ன் சுர்ராவ் உள்ளிட்ட நட்சத்திர நடிகர்கள் நடிக்கின்றனர்.
இந்தத் திரைப்படம் நகைச்சுவை, காதல் மற்றும் உத்வேகம் கொண்ட கற்பனை ஆகியவற்றின் தனித்துவமான கலவையை உள்ளடக்கியது. அனிமியில் காணப்படும் மிக விசித்திரமான மற்றும் அதைவிடவும் மிகப்பெரிய வாழ்க்கைக் கதையைச் சொல்லும் படமாகவும் இருக்கும் எனக் கூறப்படுகிறது.
இரண்டு மாறுபட்ட யதார்த்தங்களை வழிநடத்தும் ஒரு கதாபாத்திரத்தைப் பின்பற்றி இந்தக் கதை அமைக்கப்பட்டுள்ளதாகவும், நகைச்சுவை மற்றும் இதயப்பூர்வமான உணர்ச்சியைத் தடையின்றி வெளிப்படுத்தும் படமாகவும் இருக்கும் என்றும் கூறப்படுகிறது.
கிராமப்புற வசீகரத்திலிருந்து நகர்ப்புற துடிப்புக்கு மாறும் பின்னணியில் அமைக்கப்பட்ட இந்தப் படம், சுய-கண்டுபிடிப்பு மற்றும் உறவுகளுக்கான புதிய மற்றும் வழக்கத்திற்கு மாறான அணுகுமுறையுடன் காதல், லட்சியம் மற்றும் அடையாளம் ஆகியவற்றின் கருப்பொருள்களை ஆராய்கிறது.
பொன்னியின் செல்வன் படத்தில் இளம் வயது ஆதித்த கரிகாலனாக தாக்கத்தை ஏற்படுத்திய கதாபாத்திரத்திலிருந்து மாறி வரும் சந்தோஷ், ஒரு சவாலான முன்னணி நடிப்பை எடுத்து, வளர்ந்து வரும் திறமையாளராக தனது பல்துறை திறனை வெளிப்படுத்துகிறார்.
ரசவதி படத்தில் தனது அற்புதமான நடிப்பிற்காக அறியப்பட்ட ரேஷ்மா வெங்கடேஷ், பல்வேறு கதாபாத்திரங்களைத் தொடர்ந்து ஆராய்ந்து வருகிறார் அதே நேரத்தில் நான் மகான் அல்லா மற்றும் அந்தகாரம் போன்ற படங்களில் தனது கவர்ச்சிகரமான நடிப்பிற்காக பாராட்டப்பட்ட வினோத் கிஷன், படத்தின் நகைச்சுவை இயக்கத்திற்கு தனது முழுப்பங்களிப்பையும் சேர்க்கிறார்.
வசீகரம் மற்றும் உணர்ச்சி ஆழத்தின் கலவையுடன் சம்யுக்தா விஸ்வநாதன் மற்றும் டாக்டர் படத்தின் மூலம் தனது நடிப்பு மற்றும் உடல்மொழியால் மக்களை ரசிக்கவைத்த பிஜோர்ன் சுர்ராவ் போன்ற துடிப்பான நடிகர்களைக் கொண்ட படம்.
RS இன்போடேயின்மெண்ட், 24AM ஸ்டுடியோஸ், மற்றும் ஒரு ஊரிலே ஒரு பிலிம் ஹவுஸ் போன்ற முன்னணி தயாரிப்பு நிறுவனங்களில் உதவி இயக்குநராகவும் நிர்வாக தயாரிப்பாளராகவும் தசாப்த கால அனுபவமுள்ள இயக்குநர் அஸ்வின் கந்தசாமி, இந்தப் படத்தின் அறிமுகம் மூலம் தனது தொலைநோக்குப் பார்வையை உயிர்ப்பிக்கிறார்.